Ntogozi

Nchemo za

Ntogozi

Ulongozi

Chitabu cha Zabuli ni mduganyo wa nchemo na malombezo. Mo ulosi wa Chiebulaniya zabuli ni nchemo ya kutunya chintu. Ichindedi ni kugamba Zabuli ni nchemo za kumtunya Chohile, mna iviya ziyuko nchemo ntuhu zihengi. Zimwenga ni nchemo za kulombeza wambizi kwa Chohile, zimwenga nazo ni nchemo za kuhongeza kulagisa chinyulu chikulu. Naho kuna za kumtogola seuta, izimwenga nazo ni nchemo za kuhinyiza wantu mwe mbuli za mizungu na ivo akunga Chohile na kujendeleza. Chitabu cha Nchemo chawandikagwa ni wantu walozize na kuduganywa kwa mihilimo ijinkile Magana. Izinchemo izimwenga ni za kale vitendese naho zawandikagwa mwe chipindi cha seuta Daudi. Mna ichikindedi Bibilia yagamba nchemo zilozize zawandikagwa ni seuta Daudi. Nchemo izimwenga zawandikagwa aho Waizulaeli wendaga wauya kulawa uko watahagwa kweisi ya Babeli. Wata kuwandika waloziz wawandika kugamba kuduganya izinchemo kwasilaga mwe kaline ya katatu na ya kane,( Yesu henati kwelekwa. BC). Mduganyo uno wo udumo watendaga Izinchemo zitende na vitabu gana dimwenga na milongo mishano vyepangile mwe vitabu vidodo vishano. Hata uneva ni kulombeza hegu ni nchemo, Nchemo zose ziwandikwa kwa mashaili. Kwa kukombaganya ludongo ushaili we Kiebulaniya neitende wambizimkulu kuzikombaganya Izinchemo. Kuwoneka kukulu ko ushaili we Kiebulaniya kwetangwa, Kuligana kwe misafa na mawandiko. Wata kuwandika si wazwela kuipanga misafa midi kwa hamwenga mwe Izinchemo. Saviya, msafa wa nkongo walonga mbuli niyo msafa wa kaidi waguha kintu kimwenga mwe sila ntuhu. Hamwenga yavuzagiza ifanyanyi idya ilongigwe kwa ulosi mtuhu kwa kuitenda iwoneke kugamba yalonga kintu sicho cha kubela, hegu du kugamba uguha fanyanyi ikuligana na idya yo msafa wa nkongo, hegu naho watambalisa ulosi wo msafa wa nkongo kwa kongezeza ayadya yalongigwe mo msafa wa nkongo. Nchemo ya gana na mlongo yajela moyo na ukuzi kwa kutambalisa ukwiza kwa Mkombola uyo akunga atende seuta na mlavyantambiko. Ivyo vili ivitabu vye Nchemo.

1 Chitabu cha nkongo cha Nchemo ni mwe isula ya nkongo kubula sula ya milongo mine na umwenga.

2 Chitabu cha kaidi cha Nchemo ni mwe isula ya milongo mine na midi kubula milongo mfungate na midi.

3 Chitabu cha katatu cha Nchemo ni mwe isula ya milongo mfungate na mitatu kubula milongo mnane na chenda.

4 Chitabu cha kane cha Nchemo ni mwe isula ya milongo chenda kubula gana dimwenga na mtandatu.

5 Chitabu cha shano cha Nchemo ni mwe isula ya gana na mfungate kubula gana na milongo mishano.