Ntogozi 2

Seuta asagulwe ni Chohile

1Kwambwani wantu wa si ntuhu waika myalo ya kudamanya yehiye?

Ni mbwani wantu wadamanya njama za bule?

2Maseuta mwe isi wahituka,

masekulu walafya yehiye hamwenga kumhiga Zumbe Chohile,

na yudya seuta asagule.

3Wagamba, “Chiduile hale iminyolo yawo,

chewambule mwe zisigi wachitalize.”

4Zumbe Chohile akwikala kulanga kwe mbingu,

awaseka na kuwatila.

5Akaheza awakwamila kwa maya,

na kuwatisa kwa ukali wakwe akagamba,

6“Simwika seuta nisagule,

yudya akulongoza Sayuni,

lugulu lwagu lukukile.”

7Seuta agamba,

“Nevilikize lagizo dya Zumbe Chohile. Chohile kanigamba, ‘Weye wi mwanangu,

miye dyelo sitenda iso.

8Nilombeza nahwinke izisi zose zitende ulisi wako,

ne isi yose itende ugoli wako.

9Nowahonde kwa nkome ya chuma,

nowatule saviya nyungu!’”

10Elo, nyuwe maseuta, jesezani umanyi,

tegelezani idikanyo dino, nyuwe masekulu mwe isi.

11Msankanileni Zumbe Chohile kwa nkama na kusangala,

mwelelwe kwa kuzingiza.

12Mfikileni madi mwanawe ywa chilume kwa kuzingiza,

anase kwimukwa ni maya niyo mwabanika chipumpa,

nyuwe masekulu mwe isi kwaviya maya yakwe yasunguza kwimuka.

Ujimbiko wi kwa wadya wakusumkila ugombezi kwakwe.