Ntogozi 1

Chinyemi cha chindedi

1Chinyemi china yudya mntu hekutimila ulangilizi wa wantu wavu,

hegu kwelunga mwe sila za wantu wata masa,

hegu kwikala mwe chitala cha wata utilizi.

2Mna elelwa kutimila sigilizi ya Zumbe Chohile,

uyo aifanyanya iyo isigilizi chilo na msi.

3Mntu sauyo ni saviya mti uhandigwe hampezo he kakolongo ka mazi,

uwo weleka ntunda mo msimu wakwe naho amani yakwe hayakunyala.

Chila mbuli akudamanya achumilwa.

4Mna wantu wata wavu sivyo ivyo weli!

Awo wesaviya lumpwimpwi lukufiliswa ni mpeho.

5Elo, wata wavu nawakantilwe ni Chohile,

wata masa nawasentwe hale na wantu wakanuni.

6Kwaviya Zumbe Chohile alongoza sila za wantu wata uwagilwa,

mna sila za wavu nazibalangwe.