Ntogozi 3

Malombozo ya mtondo kwachausa cha wambizi

(Nchemo ya Daudi umo amsumke Abusalomu.)

1Weye Zumbe Chohile wankondo wangu walozize,

walozesa awo wakunebunga!

2Walozize wanilonga kugamba,

“Chohile hamwambule mwa awankondo awo.”

3Mna weye, Weye Zumbe Chohile wi nchinga yangu ntendele zose,

ni weye ukunitenda ning'ale no uhuda wangu.

4Nakwilila Zumbe kwa izwi kulu,

weye wanihitula kulawa kolugulu lwako lukukile.

5Nagona ntongo zeza,

nenuka vituhu kwaviya weye Zumbe Chohile wadima.

6Saniyogohe maelufu milongo ya wankondo,

wanizunguluke chila ntendele.

7Weye Zumbe Chohile, inuka!

Unambule, Weye Chohile ywangu!

Wavune izisaya awankondo wangu wose,

watule ameno wantu wavu chani wasekunilumiza.

8Zumbe Chohile ni weye ukukombola,

Ujimbiko wako utende mwa awantu wako.