Ntogozi 127

Ntogozi kwa wedi wa Chohile

1Nyumba haina zengingwe ni Zumbe Chohile,

wazesi wazenga vya bule,

mzi haunamilwe ni Zumbe Chohile,

wakuwamila wacheleza vya bule.

2Mwetumbwadisa vya bule kusunguza kwinuka mtondo,

na kukawa kugona mkatumbwazikila nkande,

Zumbe Chohile awenka nkande wose akuwaunga,

hata umo wagona.

3Wana ni jeleko kulawa kwa Zumbe Chohile,

wana ni ujimbiko kulawa kwakwe.

4Saviya misale mwe mikono ya mgomba nkondo,

wana welekwe ni mntu achei mbwanga mdodo,

5Kajimbikwa yudya idizyaka dyakwe dimema misale.

Hahudye ni wankondo wakwe,

umo akadugana na awankondo wakwe kwechitala.