Ntogozi 126

Kulombeza wambulwa

1Umo Zumbe Chohile eze achivuze Yelusalemu,

chendaga saviya wantu wakulota sozi!

2Chelewa na kuseka kwa chinyemi.

Wantu we izisi ntuhu niyo wagamba,

“Zumbe Chohile kawatendela mbuli nkulu.”

3Zumbe Chohile kachitendela mbuli nkulu,

suwe chelelwa vidala.

4Zumbe Chohile chivuzize awantu wetu watahigwe,

saviya mito ikupata mazi vituhu mwe idijangwa dya Negebu.

5Wakuhanda kuno waila,

nawavune kwa nchemo za mbwedo.

6Wadya wose wakwita kuhanda mbeyu kuno waila,

nawauye kwa chinyemi wakatenda wenula ulozo wawo.