Ntogozi 125

Utondolo wantu wa Chohile

1Wadya wekiye msuhi wawo kwa Zumbe Chohile ni saviya lugulu lwa Sayuni,

hausingisike watoga kale na kale.

2Saviya magulu yakuizunguluka Yelusalumu,

nivyo Zumbe Chohile akuwazunguluka awantu wakwe,

kukongela haluse na kale na kale.

3Useuta wa wantu wavu hawikalise mwe isi ya wata uwagila,

vileke wata uwagila nawo wanase kudamanya wavu.

4Zumbe Chohile watendele yedi wantu wedi,

wadya wachumi wa myoyo.

5Mna wadya wakuhituka na kutimila sila zawo zihiye,

Zumbe Chohile nawabalaze hamwenga na wakudamanya wavu.

Utondowazi utende mwa awantu wa Izulaeli!