Ntogozi 128

Jeleko kwa wadya wakumtunya Chohile

1Ujimbiko ni wa wawadya wakumvikila Zumbe Chohile,

wakwikala kwa kutimila imiko yakwe.

2Nopate ntunda ze indima yako,

ujimbiko na kuchumilwa navitende vyako.

3Mkaziwo natende saviya mzabibu ukweleka ntunda zilozize mnyumba mwako,

wanawo nawatende saviya masukuzi ya mizaituni kuzunguluka imeza yako.

4Nivyo akunga ajimbikwe,

mntu akumvikila Zumbe Chohile.

5Zumbe Chohile akujimbika kulawa Sayuni!

Uwone kuchumulwa kwa Yelusalemu,

mazuwa yose yo wikazi wako!

6Nakungila wikazi mtali uwone wezukulu wako!

Utondowazi utende mwa Izulaeli!