Ntogozi 129

Malombezo kuwalanga wankondo wa Izulaeli

1Situmbwadiswa vidala,

kukongela ubwanga wangu,

chila mntu mwa Izulaeli agamba,

2“Situmbwadiswa vidala kukongela ubwanga wangu,

mna wadundunga kunihuda.

3Wanilumiza vihiye mo mgongo wangu,

niyo watenda malilinti saviya mlimi akulima nkonde.

4Mna Zumbe Chohile ni mkanuni,

kakanta izisigi za awo awantu wehiye.”

5Wadya wose wakuihiwa Sayuni,

wahayuswe na kuvuzwa kunyuma kwa soni.

6Watende saviya nyasi mlanga mwe hala dya nyumba,

ikunyuluka hainati kukula,

7hahana akwetumbwadisa kuzichisanya,

hegu kuzinula saviya machisa.

8Hahana akujinka hajihi akunga awagambe,

“Zumbe Chohile awajimbikeni!

Awajimbike kwa zina dya Zumbe Chohile.”