Ntogozi 130

Kulombeza wambizi

1Kulawa mwe mwina we izinkunto zangu,

sikwitanga weye Zumbe Chohile.

2Wive indilo yangu,

tegela gutwi idizwi dye idilombezo dyangu!

3Uneva weye Zumbe Chohile wakumbuke amasa yetu,

ni yuhi nakadaha kwenega inkanto?

4Mna kwako kuna kulekeilwa,

elo weye wogohigwa.

5Namgoja Zumbe Chohile, miye nakugoja,

mo ulosi wakwe naika msuhi wangu.

6Namgoja Zumbe Chohile,

kujinka ivyo wamizi wakugoja kuche,

heye kujinka wamizi wakugoja kuche.

7Weye Izulaeli, mwikiye msuhi Zumbe Chohile,

kwaviya ungi wakwe haukusila,

naho kwakwe kuna ukombolwa uchintile.

8Uyo mwenye nawakombole Waizulaeli,

kulawa mwa amasa yawo yose.