Zigua Bible Version

Ntogozi 131

Lombezo dya kutondowala

Zumbe Chohile moyo wangu haukweduvya,

miye suyo mtu ywa kwefyenya,

sikwetumbwadisa mwe mbuli nkulu,

hegu mbuli za zikwehela kwangu.

Mna setondowaza na kwenyamaza,

saviya mwana onkile kale akutondowala mweviga vya nine,

nivyo nami nitondowale.

Weye Izulaeli mwikiye msuhi Zumbe Chohile,

kukongela haluse na kale na kale.

Zigua Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.