Ntogozi 132

Ntogozi ye Inyumba ya Chohile

1Zumbe Chohile mkumbuke Daudi,

ne izinkunto zose ajijimize.

2Kelisa cheliso kwa Zumbe Chohile,

na kwika nazili kwa uyo Mta Nguvu ywa Yakobo.

3“Saningile mwe inyumba yangu,

hegu kugona molusazi lwangu,

4sanigone hegu kusinka,

5kubula hadya hunga huzengele hantu hakwikala weye Zumbe Chohile,

weye Chohile Mta Nguvu ywa Yakobo.”

6Uko Efulata chevaga izimbuli ze idishanduku dye Idilagano,

chidibwila kwezinkonde za Yealimu.

7Niyo chagamba, “Chiteni kwe Inyumba ya Chohile,

chikavike kulongozi kwe ichigoda chakwe cho useuta chokwiya iviga.”

8Inuka weye Zumbe Chohile kulawa ahantu hako ho kuhumula,

inuka hamwenga ne Idishanduku dyako,

chilagiso che izinguvu zako, wikale umo kale na kale.

9Walavyantambiko wako watende wakanuni mazuwa yose,

wakanuni wako wacheme kwa chinyemi!

10Kwa chausa cha Daudi mndima ywako,

usekumlemela yudya ujeile mavuta.

11Zumbe Chohile kamwelisiza Daudi,

cheliso cha chindedi, icho hachitenkulwe.

“Nanimtende seuta yumwe ywa wanawo mwenye,

alongoze weye ukaheza.

12Uneva wanawo wanatoza idilagano dyangu,

ne imiko hunga niwahinye,

iviya wana wawo we chilume nawatende maseuta kale na kale saviya weye.”

13Zumbe Chohile kausagula umzi wa Sayuni,

kaunga utende ni wikazi wakwe.

14“Hano naho nanikale kale na kale,

nuwo wikazi wangu kwaviya sihasagula.

15Naniujimbike umzi wa Sayuni kwa kumwinka chila chintu ukunga,

naniweguse kwa nkande wachiwa wakwe.

16Naniwajimbike walavyantambiko wakwe mwe chila chintu wakudamanya,

na awantu wakwe nawacheme na kutowa nchelegele za chinyemi.

17Aho nanimtende seuta mkulu yumwe ywa awelekwa wa Daudi,

saviya ta ikwaka nanimdahize seuta nisagule.

18Wankndo wako naniwajele soni,

mna useuta wakwe nanijendeleze kuutogeza.”