Ntogozi 12

Kulombeza kunga wambizi

1Zumbe Chohile sunguza,

kwaviya wakumvikila Chohile wosika,

wakanuni wosika mwa awantu.

2Chila yumwenga amgambila udanti mnyawe,

walonga kwa udanti,

na kwa myoyo ya finju.

3Weye Zumbe Chohile,

ichinde imilomo iyo ikulonga udanti,

ne izindimi zimemile kweduvya,

4wakagamba, “Kwa milosi yetu chachumilwa mwe chila chintu chikunga,

chidaha kwefenya,

naho hahana akudaha kuchichinda.”

5Mna Zumbe Chohile agamba, “Kwachausa cha wachiwa wakubunyanywa,

na wadya wakuzilwa, haluse neza,

naniwadime na kuwenka wambizi udya wakunga.”

6Milosi ya Zumbe Chohile ni yedi,

saviya chumbu chichiligwe mwe tanuli,

heye, saviya chumbu chifuligwe nkanana mfungate.

7Weye Zumbe Chohile chamile,

chike mpeho na kuchidima mwe icheleko chino chihiye.

8Kwaviya wantu wavu waita wakeduvya chila hantu,

mna yudya ehise nuyo akutunywa mwa awantu.