Ntogozi 13

Lombeza dya kwambulwa

1Weye Zumbe Chohile, nonijale kubula ini?

Togola nonijale mazuwa yose?

Nonefisize uso wako kubula ini?

2Nanitende na nkama mwe iloho kubula ini?

Nanitende na chinyulu mo umoyo chila zuwa?

Wankondo wangu nawajendele kunihuda kubula ini?

3Nikaula vileke unihitule weye Zumbe Chohile,

Chohile ywangu.

Yajele ulangazi ameso yangu,

chani nisekugona ntongo za file.

4Usekuwaleka wankondo wangu wagambe, “Yuno chimhuda.”

Wadya wakunisulumiza wanase kwelelwa umo hagwa.

5Mna miye naikiya msuhi ungi wako hewine udumo,

moyo wangu welelwa mo uwambulwa wako.

6Nanimchemele Zumbe Chohile,

kwaviya kutenda ywedi kwangu.