Ntogozi 14

Wavu wa wantu

1Wapambavu wagamba mwe myoyo yawo, “Hakuna Chohile.”

Wose wabanikilwa, ntendwa zawo zihisa,

hahana hata yumwenga akudamanya yedi.

2Zumbe Chohile awakaula wantu kulawa kwe mbingu,

awone hegu weyuko wata akili,

hegu kuna yoyose akumlonda Chohile.

3Wose wabanikilwa, wawola wose hamwenga,

hahana akudamanya yedi, heye hata yumwenga.

4Togola, awo wakudamanya wavu hawamanyize?

Wawadya awantu wangu saviya mikate,

naho hawakunilombeza miye Zumbe Chohile.

5Mna wakaheza aho, nawazingize kwa nkama ikulise,

kwaviya Zumbe ehamwenga na wakanuni.

6Nyuwe mkudamanya yehiye mwabalanga mizungu ya wachiwa,

mna Zumbe Chohile ni sumkilo dyawo.

7Nahabesa wambulwa wa Izulaeli wezile kulawa Sayuni!

Hadya Zumbe Chohile nawavuze awantu wakwe,

Welekwa wa Yakobo nawelelwe, Waizulaeli nawatende na chinyemi.