Ntogozi 11

Kwika msuhi kwa Chohile

1Kwa Zumbe Chohile nasumkila kwegombela,

haluselo wadaha zeze kunigamba,

“Puluka saviya kadege kolugulu,

2kwaviya, wavu wahinda nyuta zawo,

wahasika imifulo mwe ingole yakwe,

wakatenda wemwechiza vileke wawalase wachumi wa myoyo.

3Uneva ivyegamo vibalangwa,

mta uwagila adaha kutenda mbwani?”

4Zumbe Chohile emndani mwe Inyumba yakwe ikukile,

Zumbe Chohile emwe ichigoda chakwe cho uzumbe kwembingu.

Asinya wantu kwa meso yakwe na kumanya chila mbuli wakudamanya.

5Zumbe Chohile awajeza wata uwagila,

mna aweihiwa vitendese wakudamanya wavu na unyakwili.

6Wantu wavu nawanyeseze fula ya nkala za moto ukwaka na kulibula chola,

impungile yakwe naitende niyo inkanto yawo.

7Kwaviya Zumbe Chohile ni mta uwagila, aunga ntendwa za uwagila

wantu wachumi wa moyo nawekale hamwenga naye.