Ntogozi 120

Kulombeza wambizi

1Mwe nkanto zangu namwitangaga Zumbe Chohile,

uyo niyo anihitula.

2Zumbe Chohile unambule,

mwe milomo ya wantu wakulonga udanti,

na lulimi lukudanta.

3Nyuwe wantu wadanti, namwinkigwe chintu chani?

Namsulumizwe vivihi?

4Namsulumizwe kwa misale ikutwa ya wakankalu,

kwa nkala za moto ukwaka,

za mti wa mhingo

5Naniluwone kwaviya ni mjeni mwe imizi ya Meshaki,

hegu nekala mwa amahema ya Kedeli!

6Sikalisa mazuwa yalozese,

mwa wadya wakuwihiwa utondowazi.

7Miye ni mntu ywa utondowazi,

mna halonga, wowo waunga chikomane.