Ntogozi 82

Chohile nuyo chilongozi Mkulu

1Chohile achimaila ichitala chakwe,

akantila he mdugano wa milungu.

2Namkantile kwa kubunyanya kubula ini?

Na kulagisa kuwahingiza wantu wehiye?

3Wagombeleni wasokezi na wabanikilwe ni welesi wawo,

tunduliyani uwagilwa wa wachiwa na wakubunyanywa.

4Mwambuleni msokezi na mchiwa,

wakomboleni mwe imikono ya wantu wavu.

5Hawamanyize chochose,

hawakukombaganya chochose.

Wajenda mwe chiza,

vyegamo vye isi vyose visingisika.

6Miye sigamba, “Nyuwe mwi milungu,

nyuwe nyose mwi wana wa Chohile Ekulanga Vitendese.

7Mna nambanike saviya wakubanika wantu wose,

wikazi wenyu naudume saviya sekulu mtuhu yoyose.”

8Chohile, uchimale uikantile isi,

kwaviya izisi zose ni ugoli wako.