Ntogozi 138

Malombezo ya kuhongeza

1Nakutogola weye Zumbe Chohile, kwa moyo wangu wose,

nachema ntogozi zako kulongozi kwe imilungu.

2Nafika madi kuhinga kwe Inyumba yako ikukile,

miye naniditogole idizina dyako kwachausa cho ungi na ukanuni wako,

kwaviya kudikuza idizina dyako no ulosi wako mwe ivintu vyose.

3Umo hwitange kunihitula, kunijenyeza udahi wangu.

4Maseuta wose mwe isi wakutogole weye Zumbe Chohile,

kwaviya wawiva ulosi wako.

5Awo nawacheme ntogozi ze izitendwa zako, weye Zumbe Chohile,

kwaviya ukulu wako ukulisa.

6Hatahegu Zumbe Chohile ekulanga, awakaula wasokezi,

mna wata kweduvya wawamanya kulawa hale.

7Hata hajinkila mwe nkunto weye wanidima,

wawahiga wankondo wangu wata maya vitendese,

wanihonya kwa udahi wako mkulu.

8Zumbe Chohile chintiza umwalo wako wose unigambile,

weye Zumbe Chohile ungi wako wekala kale na kale.