Ntogozi 137

Malombolezo ko ujeni

1Mpezo mwe imito ya Babeli,

chekalaga na kulomboleza chize chikumbuke Sayuni.

2Mwe imiti ye idya isi,

chihasika amazeze yetu.

3Wose wachitahile wachigamba chiwachemele nchemo,

wankondo wetu waunga nchemo ya chinyemi, wachigamba,

“Chichemeleni nchemo imwenga ya Sayuni.”

4Nachidahe vivihi kuchema nchemo za Zumbe Chohile,

mwesi ya chijeni?

5Nnakujala weye Yelusalemu,

elo mkono wangu wa kulume uswese udahi wa kutowa zeze vituhu.

6Lulimi lwangu luzamise sinakutunyize weye Yelusalemu wikulanga,

uneva sina kukumbuke weye mbwedo wangu ukulise,

uneva sina kutunyize weye Yelusalemu hukwelela vitendese.

7Zumbe Chohile, usekujala yadya wachidamanyize wantu wa Edomu,

zuwa diya Waizulaeli watahigwe.

Wagambaga, “Bogozolani amazengo yose yo umzi wa Yelusalemu!”

8Nyuwe wantu wa Babeli nambalangwe.

Kajimbikwa yudya akunga achilihizize chikoda mwako,

kwa yadya uchitendele.

9Kajimbikwa yudya nawaguhe wanawo,

na kuwasapuila mlanga mwe.