Ntogozi 136

Nchemo ya kumhongeza Chohile

1Mhongezeni Zumbe Chohile kwaviya ni ywedi,

ungi wakwe ni wakale na kale.

2Mhongezeni Chohile mkulu ywe imilungu yose,

kwaviya ungi wakwe ni wakale na kale.

3Mhongezeni Zumbe mkulu ywa mazumbe wose,

kwaviya ungi wakwe ni wakale na kale.

4Uyo ichedu nuyo akudamanya mbuli nkulu zikwehela,

kwaviya ungi wakwe ni wakale na kale.

5Kwa umanyi wakwe kaumba imbingu,

kwaviya ungi wakwe ni wakale na kale,

6nuyo atantalike isi mlanga mwe mizumilizo ya mazi,

kwaviya ungi wakwe ni wakale na kale,

7nuyo aumbile idizuwa no mnenge ne izintondo,

kwaviya ungi wakwe ni wakale na kale,

8zuwa dilangaze nomsi,

kwaviya ungi wakwe ni wakale na kale,

9mnenge ne izintondo vilangaze nechilo,

kwaviya ungi wakwe ni wakale na kale,

10nuyo akomile welekwa wa nkongo mwe isi ya Misili,

kwaviya ungi wakwe ni wakale na kale,

11niyo awalavya Waizulaeli mwe isi ya Misili,

kwaviya ungi wakwe ni wakale na kale,

12kwa mkono wakwe una udahi mkulu,

kwaviya ungi wakwe ni wakale na kale.

13Nuyo aisangile haidi ibahali ya Shamu,

kwaviya ungi wakwe ni wakale na kale,

14niyo awajisa awantu wa Izulaeli hagatigati,

kwaviya ungi wakwe ni wakale na kale,

15mna niyo amfinankiza Falao na awagomba nkondo wakwe mwe Ibahali ya Shamu,

kwaviya ungi wakwe ni wakale na kale,

16nuyo awalongoze awantu wakwe kwedijangwa,

kwaviya ungi wakwe ni wakale na kale,

17nuyo akomile maseuta wata nguvu,

kwaviya ungi wakwe ni wakale na kale,

18nuyo akomile maseuta wamanyikise,

kwaviya ungi wakwe ni wakale na kale,

19niyo amkoma Sihoni seuta ywa Waamoli,

kwaviya ungi wakwe ni wakale na kale,

20na seuta Ogu ywa Bashani,

kwaviya ungi wakwe ni wakale na kale,

21niyo ataha izisi zawo na kuwenka awantu utende ulisi wawo,

kwaviya ungi wakwe ni wakale na kale,

22zitende za Izulaeli mndima ywakwe,

kwaviya ungi wakwe ni wakale na kale,

23nuyo achikumbuke mo usokezi wetu,

kwaviya ungi wakwe ni wakale na kale,

24niyo achambula mwa awankondo wetu,

kwaviya ungi wakwe ni wakale na kale,

25nuyo akwinkiza nkande kwa chila chumbe,

kwaviya ungi wakwe ni wakale na kale.

26Mhongezeni Chohile ywa kwembingu,

kwaviya ungi wakwe ni wakale na kale.