Ntogozi 90

Lombezo dya Musa mndima ywa Chohile

1Zumbe Chohile, weye kutenda hantu hetu ha kwikala,

mwe ivyeleko vyose.

2Hwinati kumba amagulu,

hegu kumba isi,

kukongela chikale ni weye Chohile.

3Wawagamba wantu, “Uya mwa amalumbi”

wantu chatenda malumbi.

4Kwaviya kwako mihilimo elufu imwenga ni saviya zuwa dimwenga

dyomboke kale,

naho ni saviya ncheleza ya chilo.

5Wawazola wantu na nkulujumbu ya file,

awo wenga saviya sozi.

Chisaviya maluwa yakubwalika mtondo,

6hata hegu mtondo yabwalika,

chisingi yanyuluka.

7Chikomwa kwachausa cha amaya yako.

Chazingiza kwa kwihiwa kwako.

8Amasa yetu kuyaika kulongozi kwako,

masa yetu ya chinyele wadaha kuyawona.

9Wikazi wetu mazuwa yose yamema maya yako,

chabinda imihilimo yetu kwa kulomboleza.

10Mazuwa yetu yo ujima ni mihilimo milongo mfungate,

unevu china nguvu ni mihilimo milongo mnane,

mna iyo ni ya kusulumba na nkunto,

yasunguza kujinka, suwe naswi chajinka.

11Amanyize inguvu ya amaya yako ni yuhi?

Kwaviya maya yako ni makulu,

saviya nkama chikungwa chikogohe.

12Chihinye kuwaza amazuwa yetu,

vileke chipate moyo wa ubala.

13Zumbe Chohile, chiwonele mbazi,

maya yako nayasile ini?

Wafile mbazi awandima wako.

14Chimemeze ungi wako hewine udumo chila mtondo,

vileke chidahe kuchema kwa mbwedo,

na kwelelwa mazuwa yetu yose.

15Chinke mbwedo seiviya viligane na amazuwa chisulumbe,

seiviya kuligana ne imihilimo chitumbwazike.

16Ntwendwa zako ziwoneke mwa awandima wako,

ung'azi wako kwa awana wako.

17Wedi wa Zumbe Chohile ywetu utende mwetu,

udindimaze izindima ze imikono yetu.