Ntogozi 53

Mntu hekumvikila Chohile

1Wahezi welongela mwe imyoyo yawo,

“Hakuna Chohile.”

Wose wabanikilwa,

wadamanya mbuli za kwihiza,

hahana hata yumwenga akudamanya yedi.

2Chohile awakaula wantu kulawa kwembingu,

awone hegu kuna mta ubala,

akumlonda Chohile.

3Mna wose walemela,

wose chahamwenga wabanika,

hahana hata yumwenga akudamanya yedi.

4Chohile auza, “Togola wakudamanya mbuli za wavu hawana fanyanyi,?

Wawadya awantu wangu saviya mikate,

naho hawakunivikila miye Chohile.”

5Ivyo nawengilwe ni nkama ikulise,

nkama hawajezaga kuiwona,

kwaviya Chohile nachakule amavuha ya awankondo,

awo nawahuze kwaviya Chohile kawalemela.

6Nahabesa wambulwa wa Izulaeli wezile kulawa Sayuni

Chohile, ivyo ichinyemi nachitende mwa awantu wa Izulaeli,

umo Chohile nawavuze awantu wakwe,

wendile watahwa, welekwa wa Yakobo watowe nchelejele,

Waizulaeli welelwe vituhu!