Ntogozi 54

Kulombeza kudimwa kulaila mwe wankondo

1Weye Chohile nambula kwa zina dyako,

nigombela nkanto kwa udahi wako.

2Weye Chohile wive amalombezo yangu,

tegela gutwi chiya hulombeza kwako.

3Kwaviya wajeni wanebunga,

wantu manywakwili walonda wanikome,

wantu hewekukunga weye Chohile.

4Mna simanya kugamba Chohile nuyo akunambiza,

Zumbe Chohile nuyo akunidima.

5Chohile wakantile wihi wawo wenye wadya wakunizigiliza,

wabalange kwaviya weye wi mkanuni.

6Zumbe Chohile, nahulavize ntambiko za kweungila,

nanitogole idizina dyako kwaviya wi ywedi.

7Kwaviya kunambula kulawa mwe nkunto zangu zose,

miye siwona mwenye kwa chinyemi awankondo wangu wakahudwa.