Ntogozi 140

Lombezo dya kudimwa ni Chohile

1Zumbe Chohile nambula mwe wantu wavu,

nidima na wantu wakweduvya.

2Waika mizungu ihiye mwe myoyo yawo,

mazuwa yose watigiza nkondo.

3Izindimi zawo ni nkali saviya nyoka, milosi ikulawa mwe imilomo yawo,

nisaviya usungu wa myombo.

4Zumbe Chohile, nidima mwe mikono ya wantu wehi,

nika mpeho kulawa mwe wantu wehiye,

wakwika mwalo wa kunigwisa.

5Wata kweduvya wenika mitego vileke wanigwize,

watantalika sigi za lwavu,

wenika mitego mwe isila yangu.

6Zumbe Chohile, miye nagamba,

“Weye wi Zumbe Chohile ywangu”

Unive indilo yangu na kunambiza.

7Zumbe Chohile Mwambula ywangu mta nguvu,

kunidima mwe nkondo.

8Zumbe Chohile, usekuwenka wantu wavu kuchumilwa mwe viya wakunga,

wanasekweduvya.

9Usekuwaleka awankondo wanihude,

mbuli wanizigilize kwa milomo yawo ziwawiye wenye.

10Wagwelwe ni nkala za moto,

wadulwe mo moto mwe mabome tali ditendese wasekwinuka vituhu'

11Wakuwazigiliza watuhu wasekuchumilwa mwe isi,

file ziwagwele wantu wata kweduvya.

12Sivimanya kugamba Zumbe Chohile awenka wachiwa uwagila,

na kuwagombela hewene chintu.

13Chindedi wata uwagila nawaditogole idizina dyako,

wakanuni nawekale kulongozi kwako.