Ntogozi 95

Nchemo ya kumtogola Chohile

1Soni chimchemele Zumbe Chohile kwa mbwedo!

Chimtoile nchelejele kwa chinyemi luwe lwa wambula wetu!

2Chize kulongozi kwakwe chimhongeze,

na kumchemela kwa mbwedo na nchemo za ntogozi.

3Kwaviya Zumbe ni Chohile mkulu,

sekulu mwe imilungu yose.

4Ivyegamo vyose vye isi vimwemikono yakwe,

vinenengwe vya amagulu ni vyakwe.

5Ibahali ni yakwe nuyo aidamanye,

iviya kaumba isi kwa imikono yakwe.

6Soni chimwinamile na kumvikila,

chimfike madi Chohile Mumbi ywetu!

7Kwaviya nuyo Chohile ywetu na suwe chiwantu wakwe akudima,

ngoto zikutunduliwa hasi hakwe.

Tegelezani viya akulonga vino dyelo,

8“Msekuitenda imyoyo yenyu midala,

saviya wadamanye wadalahala wenyu kudya Meliba,

saviya wadamanye mwe idizuwa diya kudya kwenyika ya Masa. 9Wababa zenyu wanijezaga na kunihima,

hata hegu wawonaga ntedwa niwadamanyize.

10Nachihiwaga icheleko chiya kwa mihilimo milongo mine.

Nagambaga, ‘Wano ni wantu wabanike imyoyo yawo!

Walemela kutimila izisigilizi zangu.’

11Elo, neihiwaga, niyo nelisa,

‘Hawengile ahantu hangu ho kuhumula mpwii.’”