Ntogozi 43

Lobezo dya kwambulwa

1Weye Zumbe Chohile lagisa kugamba sina mlema,

nigombela mbuli yangu mwa wantu wehiye,

nambula mwe wantu wadanti na wavu.

2Nasumkila ugombezi Zumbe Chohile,

kwambwani kunidula hale?

Kwambwani nangadike halomboleza, kwa kubunyanywa ni mnkondo ywangu?

3Igala ulangazi wako ne ichindedi chako vinilongoze,

vinigale kubula kolugulu lwako lukukile,

ko wikazi wako.

4Aho weye Zumbe Chohile nanite kwe mazabahu yako,

nanize kwako weye Chohile mbwedo wangu mkulu.

Nahutogole kwa zeze weye Chohile, Chohile ywangu.

5Ni mbwani nangadika savino mo umoyo wangu?

Ni mbwani natumbwazika mndani mwangu?

Nanike msuhi wangu kwa Zumbe Chohile,

kwaviya nanimtogole vituhu Chohile,

uyo ni wambizi wangu na Chohile ywangu.