Ntogozi 47

Chohile Seuta ywe isi yose

1Nyuwe wantu wose, towani magasa!

Mtogoleni Chohile kwa maizwi ya mbwedo.

2Kwaviya Zumbe Chohile Mta Nguvu Zose.

Uyo ni Seuta mkulu ywe isi yose.

3Kachidahiza kuwahuda awantu we izisi ntuhu,

kachitenda chilongoze mwe isi.

4Kachisaguila isi ino itende ulisi wetu,

ugoli wa Yakobo uyo akumunga.

5Chohile kakwela kulanga na nchelejele,

Zumbe Chohile aita kwe chigoda chakwe cho useuta kwa izwi dya magunda.

6Mchemeleni ntogozi Zumbe Chohile,

mchemeleni kwa kumhongeza Seuta ywetu.

7Mchemeleni ntogozi Chohile,

kwaviya uyo ni Seuta ywe izisi zose.

8Chohile alongoza mwe izisi zose,

kekala mwe ichigoda chakwe cho useuta chikukile.

9Vilongozi wa awantu we izisi ntuhu wechisanya,

hamwenga na awantu wa Chohile ywa Abulahamu,

kwaviya Chohile ana nguvu kujinka amaseuta wose mweisi,

uyo kakulisa.