Ntogozi 23

Zumbe nuyo umdimi ywangu

1Zumbe Chohile nuyo mdimi ywangu,

elo, sanihungukilwe ni chintu.

2Anigoneza mwe luwala lwa mani maisi,

anilongoza hampezo he mazi yalenguke,

3naho anivuziza nguvu uhya untu wangu.

Anilongoza mwe izisila zikuwagila,

kwachausa che idizina dyakwe.

4Hata hegu hajinka mwe kolongo dina ziza dya file,

sanogohe mabuli yakutisa,

kwaviya weye Zumbe Chohile wihajihi na miye,

ngoda yako ne inkome yako vyanidima.

5Kumalanya nkantamiti kulongozi kwa wankondo wangu,

kunihaka mavuta komtwi wangu,

chikombe changu kuchimemeza chetika.

6Chindedi wedi wako na mbazi zako navitende hamwenga,

na miye mazuwa yose yo ujima wangu,

nami nanikale mwe Inyumba ya Zumbe Chohile mazuwa yose.