Ntogozi 30

Lombezo dya kumhongeza Chohile

1Weye Zumbe Chohile, nakuhongeza kwaviya kunambula,

huwalekile awankondo wangu wedvye.

2Weye Zumbe Chohile, Chohile ywangu,

nasikwitanga unambize, weye niyo wanihonya. 3Weye Zumbe Chohile kunambula kulawa mwe mbila,

kuninka ujima vituhu,

kunilavya mwa wadya wakwita kwedibome hedine uhelo.

4Mchemeleni ntogozi Zumbe Chohile nyuwe wakanuni wakwe,

kumbukani ukuka wakwe na kumhongeza.

5Kwaviya maya yakwe hayakwikalisa,

mna ungi wakwe wekalisa mazuwa yose,

vyadahika kucheleze ndilo chilo pwii,

mna mtondo kwatenda na mbwedo.

6Nize nichumilwe niyo nagamba,

“Sanihudye mpwii”

7Weye Zumbe Chohile wize unidamanyize wedi wako,

kunidindimaza saviya lugulu lukulu,

mna wize wefise hale na miye,

niyo nafa chevu.

8Sikwitanga weye Zumbe Chohile,

heye sikulombeza weye Chohile ywangu unambize.

9“Togola, nopate chibwani umo miye habanika?

Nopate chibwani umo nnasela kwedibome dya awantu wabanike?

Togola, malumbi nayakutogole?

Togola, nayatambalise ichindedi chako?

10Weye Zumbe Chohle unive na kuniwonela mbazi,

Weye Zumbe Chohile tenda mwambizi ywangu.”

11Kuhituila kulomboleza kwangu kutenda kuvina,

kunusiza chinyulu changu,

niyo wanivika mbwedo.

12Elo, miye nahutogole saninyamale.

Weye Zumbe Chohile, Chohile ywangu,

Chohile ywangu nahutogole mazuwa yose.