Ntogozi 8

Ukuka wa Zumbe Chohile na ntunyo ya mntu

1Weye Zumbe Chohile, Zumbe ywetu,

kaula ivyo ukulu wako umema mweisi yose!

Kwika ung'azi wako ubula kwembingu.

2Mwe imilomo ya wana wadodo na wakonka kwika ntogozi,

kwekiya nchinga mwa awankondo wako,

chani uwanyamaze awankondo wako na wadya wakukuhiga.

3Hazikaula izimbingu zako,

izo ni ndima za mikono yako,

mnenge na ntondo izo wikiye uko,

4mntu ni chintu chani vikuleka umfanyanye,

mwana mntu ni chintu chani chikuleka umtunduliye?

5Kubula wamtenda atende hadodo aligane na Chohile?

Kumvisa ntunyo na ntogozi.

6Kumwinka ukulu mwe ndima zako udamanye,

ivintu vyose uumbile kuvika hasi ho udahi wakwe.

7Ngoto na mbuzi na ng'ombe,

na wanyama wose wa kumbago,

8wadege wo ulanga na samaki wa mwebahali,

na chila chintu chi mwe ibahali.

9Weye Zumbe Chohile ywetu,

zina dyako dikulisa dyatogolwa mwe isi yose!