Ntogozi 87

Ntogozi za Yelusalemu

1Zumbe Chohile kazenga mzi wakwe mwe magulu yakukile,

2Zumbe Chohile azunga izinchili za Sayuni kujinka wikazi wose wa Yakobo.

3Wantu walonga mbuli zikukile mwako, Weye mzi wa Chohile,

4“Nanike lukumbusa lwa Lahabu na Babeli,

mwa wadya wanimanyize,

wantu wa Filisiti na Tilo na Kushi,

haheza nanigambe yuno elekagwa muno.”

5Mwa Sayuni wantu nawalonge,

“Yuno na yudya welekagwa umo,

na Uyo Ekulanga Vitendese mwenye namtogeze.”

6Zumbe Chohile nawandike ludongo lwa wantu,

na kuwahanganya umo kugamba welekwa momzi wa Sayuni.

7Umo wakatowa magunda nawagambe,

“Mo umzi wa Sayuni numo mna inkongelo yo kujimbikwa kwangu.”