Ntogozi 113

Ntogozi kwa Zumbe Chohile

1Mtogoleni Zumbe Chohile!

Nyuwe wandima wa Zumbe Chohile mtogoleni,

ditogoleni idizina dya Zumbe Chohile!

2Zina dya Zumbe Chohile dijimbikwe,

kukongela dyelo na kale na kale.

3Kukongela ulailo wa zuwa kubula uswelo wakwe,

zima dya Zumbe Chohile ditogolwe.

4Zumbe Chohile alongoza mwe izisi zose,

ung'azi wakwe wikulanga kwe imbingu.

5Ni yuhi akwinga Zumbe Chohile ywetu?

Uyo ekala kulanga vitendese,

6mna akaula hasi,

awone imbingu ne isi.

7Awenula wachiwa mwe malumbi,

awenula hewene chintu mwe zalazala,

8awekaza hamwenga na mazumbe,

hamwenga na wakulu wa wantu wakwe,

9amwinka mvyele hene cheleko kutondowala kunyumba kwakwe,

akatenda na wana wata chinyemi!

Mtogoleni Zumbe Chohile.