Ntogozi 112

Ujimbiko wa mntu ywa Chohile

1Mtogole Zumbe Chohile!

Ujimbiko ni wa yudya mntu akumvikila Zumbe Chohile,

yudya akuwagilwa vitendese ni izisigilizi za Chohile.

2Welekwa wawo nawatende na udahi mwe isi,

cheleko cha wantu wakanuni nachijimbikwe.

3Mwe inyumba yakwe namtende na ugoli ulozese,

ukanuni wakwe wekale kale ne kale.

4Ulangazi wawalangaziza wakanuni mwe ichiza,

yudya mta kulekeila mta mbazi na uwagila.

5Yedi nayamwizile mntu mta chisekwesekwe na kukopesha,

akudamanya mbuli zakwe kwa uwagila.

6Mta uwagila hadunduge chintu,

mta uwagila nakumbukwe kale na kale.

7Hogohe umo akeva mbuli zihiye, moyo wakwe utoga,

aika msuhi wakwe kwa Zumbe Chohile.

8Moyo wakwe uchuma hatende na nkama,

mo udumo nawone awankondo wakwe wakahudwa.

9Awenka wachiwa majeleko kwa chisekwesekwe,

uwagila wakwe wekala kale na kale,

natende na nguvu na kutunywa.

10Mntu mwavu nawone na kwihizwa,

nehiwe na kuhalawa,

tama ya mwavu nayagile hale.