Ntogozi 114

Mpituko za Chohile

1Umo awantu wa Izulaeli walawaga kweisi ya Misili,

awelekwa wa Yakobo kulawa mwa wakulonga longa dya chijeni,

2Yuda niyo atenda wikazi ukukile wa Chohile,

Izulaeli niyo yatenda yakwe.

3Ibahali ize iwone niyo yasumka,

mazi yo umto wa Yolodani niyo yauya kunyuma.

4Magulu yapilika pilika saviya ndolome,

wagulu wapilika pilika enga wana ngoto.

5Ni chibwani chikulaile weye bahali vikuleka wasumka?

Na weye mazi ya Yolodani ni bwani chilekeile ukauya kunyuma?

6Nyuwe magulu, ni mbwani chiwahosizeni mkapilika pilika saviya ndoloe?

Nyuwe wagulu ni mbwani mpilika pilika enga wana ngoto?

7Weye isi zingiza kulongozi kwa Zumbe,

kulongozi kwa Chohile ywa Yakobo,

8uyo ahituile luwe kutenda sima dya mazi,

luwe lutogese kutenda soko ya mazi.