Ntogozi 6

Malombezo mwe chipindi cha nkunto

1Weye Zumbe Chohile, usekunikwahila mwa amaya yako,

hegu kunivyaluta mwe kwihiwa kwako.

2Nifila mbazi, weye Zumbe Chohile,

kwaviya sibuntika, weye Zumbe unihonye,

kwaviya mavuha yangu yamema ulumi utendese.

3Nangadika vitendese mo umoyo wangu.

Weye Zumbe Chohile nozigile kubula ini?

4Nihitukila weye Zumbe Chohile, chani unambule, nambula kwachausa cha ungi wako mkulu.

5Uko kwa wabanike hakuna mntu akukumbuka.

Hahana akudaha kukuhongeza kweisi ya wabanike?

6Sibuntika kwa kwila kwa chinyulu,

chilo pwi sibwekeza ulusazi lwangu kwa mesozi,

sichabaza umto wangu kwa mesozi.

7Ameso yangu yasokela kwa chihovu,

yafifiya kwa kutumbwadiswa ni wankondo wangu.

8Halaweni hangu nyuwe nyose mkudamanya wavu!

Kwaviya Zumbe Chohile keva indilo yangu.

9Zumbe Chohile keva idilombezo dyangu dyo kuwonela mbazi,

Zumbe kazumila lombezo dyangu.

10Wankondo wangu wose nawetuke na kwehelwa,

nawauye kunyuma kwa soni za chipumpa.