Ntogozi 75

Ntogozi kwa wedi wa Chohile

1Chohile, chakutogola,

chatambalisa ukulu we idizina dyako!

Na kutamwila mwe izintendwa zako nkulu.

2Chohile kugamba, “Sisagula chipindi chesimile,

naho nanikantile kwa uwagila.

3Isi ikazingiza na vyose viyumo,

ni miye huzegamiza izinguzo zakwe.

4Siwagambila wadya wakweduvya waleke kweduvya,

na wata wavu waleke kwefenya.

5Msekwewona mwi wantu mkuwagilisa,

hegu kulonga milosi ya kweduvya.”

6Hahana yoyose akulawa ulailo wa zuwa hegu uswelo wa zuwa,

hegu kulawa kwedijangwa akudaha kumkweza mntu,

7akukantila ni Chohile,

wamwenga awaseleza hasi na awatuhu awakweza kulanga.

8Zumbe Chohile katoza chikombe mo mkono,

chimemile divai ikulawa chivulo chihangane na maya.

Uyo achijida wantu wose wehi mweisi wanywa,

kubula twentwe dyo udumo.

9Mna miye nanitambalise mbuli zako kale na kale,

nanicheme ntogozi kwa Chohile ywa Yakobo.

10Nguvu zose za hewene uwagila nazibinde,

mna nguvu za wata uwagila nanizitogeze.