Ntogozi 67

Nchemo ya ntogozi

1Chifile mbazi weye Chohile na kuchijimbika,

chilangazize ung'azi wo uso wako kwa wedi,

2vileke wantu wose mweisi wamanye izisila zako,

wantu mwe izisi zose wamanye udahi wako wo kwambula.

3Elo, wantu wose wakutunye weye Chohile na kukutogola,

wantu wose nawakutogole.

4Wantu we izisi zose nawelelwe na kuchema kwa mbwedo,

kwaviya wakantila wantu kwa uwagilwa,

na kulongoza isi.

5Elo, wantu wose wakutunye weye Chohile,

wantu wose wakutogole.

6Isi ilavya ulozo wakwe,

na Chohile, Chohile ywetu kachijimbika.

7Chohile ajendeleze kuchijimbika, wantu wose mweisi wamtogole uyo.