Ntogozi 122

Ntogozi za Yelusalemu

1Naselelwa weze wanigambe,

“Chite kwe Inyumba ya Zumbe Chohile.”

2Iviga vyetu vichimala mndani mwe inchili yako,

weye Yelusalemu,

3Yelusalemumzi uzengigwe vitogese,

vileke utozane hamwenga.

4Uko nuko amakabila ya Izulaeli yakwita,

kumhongeza Zumbe Chohile,

kuligana na amalagizo wenkigwe Waizulaeli.

5Uko nuko kune ivigoda vye inkanto vye inyumba ya Daudi,

vigoda vya kulamuila vye chiseuta vya inyumba ya Daudi.

6Ulombezezeni umzi wa Yelusalemu utondowazi,

Wose wakukunga wachumilwe.

7Mndani mwe iviwambaza vyako mtende na utondowazi,

mndani mwe izingome zako mtende mpeho.

8Kwachausa cha wantu we ikaya yangu na walukolo wangu,

nagamba, “Utondowazi utende mwako!”

9Kwachausa che Inyumba ya Zumbe Chohile ywetu,

nakulombezeza uchumilwe.