Ntogozi 142

Kulombeza wambizi

1Namwilila Zumbe Chohile kwa izwi kulu,

nenula izwi dyangu kwa Zumbe Chohile anifile mbazi.

2Negala fuzumo dyangu kulongozi kwakwe,

namgambila nkunto yangu.

3Umo nifile chevu, ni weye umanyize izisila zangu.

Mwe izisila hujenda wantu wenenikila mitego.

4Kaula kulume kwangu uwone,

hahana hata yumwe akunambiza.

Hahana akwetumbwadisa kwachausa changu.

5Elo, nakwilila weye Zumbe Chohile,

nagamba “Weye wi sumkilo dyangu,

fungu dyangu mweisi ya wata ujima.”

6Tegeleza indilo yangu unambize,

kwaviya miye ni msokezi vitendese,

Nambula mwa awankondo wangu,

kwaviya awo wanihuma nguvu.

7Nivugula mwe ichifungo changu,

vileke huhongeze mwe mdugano wa awantu wako.

Wantu wakanuni nawelunge na miye kwachausa cha wedi wako kwangu.