Ntogozi 99

Chohile nuyo seuta mkulu

1Zumbe Chohile ni seuta,

wantu wose wazingiza,

ekala mwe ichigoda cho useuta,

hagati he vyumbe vikwitangwa makelubi,

ne isi yazingiza.

2Zumbe Chohile ni mkulu mwa Sayuni,

uyo katunyiswe mwa awantu wose.

3Chila mntu atogola idizina dyakwe idyo ni kulu dyogofya,

uyo ni mkuka!

4Seuta mta nguvu ukunga uwagilwa,

weye kulagisa ukanuni, mwa Yakobo,

kudamanya uwagila na viligane.

5Mtogoleni Zumbe, Chohile ywetu,

mkavikile ahantu hakwe ho kwikiya iviga vyakwe!

Uyo nuyo mkuka.

6Musa na Haluni wendaga nawo awalavyantambiko wakwe,

Samwilu nuyo nakalombeza kwa zina dya Chohile,

wamwitangaga niyo awahitula.

7Alongaga nawo kulaila mwe nguzo ya ingu,

watozaga izisigilizi zakwe ne imiko yakwe awenkile.

8Zumbe, Chohile yetu, ni weye uwahitule awantu wako,

kuwagisa kugamba weye wi Chohile akulekeila,

hatahegu kuwakantila kwachausa cha masa yawo.

9Mtogoleni Zumbe, Chohile ywetu,

naho mvike mo ulugulu lwakwe lukukile,

kwaviya Zumbe, Chohile ywetu ni mkuka.