Ntogozi 98

Chohile Sekulu ywe Isi

1Mchemeleni Zumbe Chohile nchemo mpya,

kwaviya kadamanya mbuli za mpituko!

Kwa nguvu zakwe na ukuka wakwe vimwinka uhuda.

2Zumbe Chohile kautenda wambula wakwe umanyike mwe izisi zose,

naho kalagisa uwagila wakwe kwa awantu wose.

3Kakumbuka ungi wakwe no ukanuni wakwe mwa Waizulaeli.

Ntendele zose ze isi ziuwona uwambula wa Chohile ywetu.

4Isi yose imhongeze Zumbe Chohile,

imtogole kwa nchemo na nchelejele,

mtogoleni kwa nchemo na maizwi ya chinyemi!

5Mchemeleni Zumbe Chohile kwa vilangu,

mchemeleni kwa lungole na magunda,

6Towani nchelejele kulongozi kwa Zumbe Chohile seuta ywetu,

nyemulani kwa magunda na maizwi ya mahembe.

7Bahali ivumile na chila chintu chimndani mwakwe,

isi na vyose vikwikala mndani mwakwe vicheme!

8Mito itowe magasa,

magulu yacheme hamwenga kwa chinyemi kulongozi kwa Chohile,

9kwaviya eza kukantila isi.

Nawalongoze awantu wa mweisi,

kwa uwagilwa na ukanuni.