Ntogozi 149

Nchemo ya ntogozi kwa wedi wa Chohile

1Mtogoleni Zumbe Chohile!

Mchemeleni Zumbe Chohile nchemo mpya,

mtogoleni mwe mdugano wa wantu wakwe wakanuni.

2Nyuwe wantu wa Izulaeli elelwani kwachausa cha Mumbi ywenyu,

wantu wa Sayuni mtende na chinyemi kwachausa cha seuta ywenyu.

3Waditogole idizina dyakwe kwa ngoma,

wamchemele kwa ngoma na zeze.

4Kwaviya Zumbe Chohile awagilwa ni wantu wakwe,

uyo awahamba wasokezi kwa uhuda.

5Wantu wakanuni webwede ichinyemi icho,

hata wakagona wacheme ntogozi.

6Wachema kwa izwi kulu kumtogola Chohile,

wakatenda na sime ikukanta kwidi mwe imikono yawo,

7vileke walihize chikoda mwa awantu mwe izisi,

na kuwakantila wantu hewemmanyize Chohile,

8wawatalize maseuta wawo kwa minyolo,

wakulu wawo kwa mpingu za chuma,

9vileke wawakantile izinkanto zikigwe.

Uwo nuwo uhuda wa awakanuni wa Chohile.

Mtogoleni Zumbe Chohile!