Ntogozi 110

Zumbe na seuta ywakwe asagule

1Zumbe Chohiile amgamba sekulu ywangu,

“Ikala mkono wangu wa kulume,

kubula aho naniwaike awankondo wako hantu ukwikiya iviga vyako.”

2Zumbe Chohile nangamule inguvu yo useuta wako kulawa Sayuni,

nolongoze mgati mwa awankondo wako.

3Mwe idizuwa nowite kuwatowa awankondo wako,

wantu wako nawakubase kwa kunga wenye.

Ukatenda kuvikwa ung'azi ukukile,

kulawa kwa amavukuvuku ya mtondo,

nauhokele mnyuzu wo ubwanga wako.

4Zumbe Chohile kelisa, uyo hahituile fanyanyi zakwe,

“Weye notende mlavyantambiko kale na kale,

kwa mliganyo wa Melikizedeki.”

5Zumbe Chohile entendele yangu yakulume,

umo anakwelwa ni maya nawahonde maseuta.

6Nawakantile awantu mwe izisi zilozize,

akachisanya vimba na kuwahonda maseuta we isi yose.

7Seuta nanywe amazi ya akamto hankanda he isila,

elo nenule umtwi wakwe kwa uhuda.