Ntogozi 70

Kulombeza wambizi

1Weye Chohile! Sunguza wize unambule!

Weye Zumbe sunguza wize unambize.

2Wadya wose wakunekambila,

chani wanikome wajelwe soni na kuhuza.

Wadya wakubesa nilumile

wavuzwe kunyuma kuno wahuza.

3Wadya wakunisezenga,

wakangawale na kuya kunyuma kwa chausa cha soni zawo.

4Mna wadya wose wakukulonda,

welelwe na kutowa nchelegele kwachausa chako.

Wakuunga uwambula wako,

mazuwa yose wagambe, “Chohile ni mkulu!”

5Miye ni mchiwa na msokezi,

weye Chohile sunguza unibase!

Ni weye wi mwambizi ywangu na mwambula ywangu,

weye Zumbe Chohile sunguza usekukawa.