Ntogozi 101

Lagano dya Seuta

1Nanicheme mo ungi wako no uwagila wako,

nanicheme ntogozi kwa weye Zumbe Chohile.

2Nanisinyise wikazi hewine lema,

nawize kwangu ini?

Nanikale kwa uchumi wa moyo mwe inyumba yangu,

3naho sanileke akudamanya wavu eze kwangu.

Ntendwa za wantu hewene uzumizi,

sanidamanye izintendwa zawo.

4Sanijesanye na mntu mwavu,

nanenegese masa.

5Akumsezenga mnyawe nanimkomele hale,

sanimjijimize mta wefenyi na kweduvya.

6Naniwakaule kwa wedi wantu wakanuni,

vileke wadahe kwikala na miye,

hewene mlema nawo nawanisankanile.

7Mdanti yoyose hekale mnyumba mwangu,

hahana akulonga mbuli za lulimi nekale kwangu.

8Chila zuwa naniwabalange wavu wose mwe isi yetu,

nanimuse chila akutenda yehiye,

mo umzi wa Zumbe Chohile.