भजन सहीता

भजन संहिता

भजन सहीता

भजन सहीतान उळखाण

भजन सहीतान किताप गीत ने दुवान एक जागा पर मेकणु। हीबरु बुली मां भजनेन बुलेन मतलब छे “बड़ायन गीत।” बेसका भजन खास असा गीत बी छे, तींद्‌रेम भगवानेन बड़ाय करे, बाकुन भजन भाती-भातीन गीत बी छे। काहनाक भगवान धड़े मदत मांगणे वाटे दुवा बी छे, काहाकी दीसरा रड़े कलपे, जे बेसका दुख हाकले असा गीत बी छे, जे ईस्‌रायली राजान बड़ायन बी करे, ने असा गीत बी छे, तींनुक कामे करीन माणसे काजे अक्‌कल ने भगवानेन वीच्‌यारेन बारामां सीकाड़ने वाटे करे। भजनेन किताप काजे काहीं लिखंद्‌रान साहरे लिख्‌या, ने हजारु हाल पेहेल लिखीन भेळा कर्‌या, ने थुड़ीक भजनेन किताप काहनास भजन बेसका पेहला छे, ने राजा दावुदेन टेमेन लिखायलो छे, छाचलीन बाइबील कवे तीनु भजनेन गितेम सी बेसका लिखला हतला। थुड़ाक यहुदी माणसे बेबीलोन सहरेन गुलामी मां सी पछा आवीन लिखला, डाहा-डाहा कवतेला की, भजन भेळा करनेन तीसरी सी चोवथी सताब्‌दी ईसा पेहेल आड़े-धड़े बणीन तीयार हंय गुयली ने तसो करीन तेर बाद मां 150 भजन बणीन तीयार हंय ज्‌या, ने चे पांच नानला भाग मां वाटायला छे।

भले चे गीत हंय नीते दुवा, आखो भजन गीतेन तसो छे। थुड़ाक हीबरु गीतेन बारामां भजन काजे समजणे मां मदत हवसे। हीबरु गीतेन एक जरुड़ी हीस्‌सु एक जसु रुप कहवाये। लिखंद्‌रा खास करीन भजन काजे दुय लाईन काजे एक साथ भेळा करे। समजणेवाटे पेहली लाय्‌न मां एक वात नीकळे, अळतेन दुसरी लाईन तीन मां सी काहनी बी एक वाट काजे नेवाड़े। जी नीते जुर देणे वाटे अलग-अलग बुल काजे एकुत वीच्‌यार काजे पछीत-पछीत कवे, नीते हेरेमां पेहली लाईन काजे उल्‌टा एक साथ वीच्‌यार करे, नीते जो हेरे बारामां अदुस कय्‌न पेहली लाई‌न काजे उजेंतु करे।

भजन सहीतान किताप बाइबीलेन खास किताप छे, ने खास किताप मां सी एक किताप छे। यरुसलेमेन मंदीरेम भगवानेन भक्‌ती करने काहीं भातीन भजन काजे काम मां लावला हतला। भजन हामुक सीकाड़े की कसा दुवा करनु ने कसा ताकतवाळा भगवानेन बड़ाय करनु।

बाहरती वात

1. भजन सहीतान पेहलु भाग छे।

2. भजन सहीतान दुसरु भाग छे।

3. भजन सहीतान तीसरु भाग छे।

4. भजन सहीतान चोंवथु भाग छे।

5. भजन सहीतान पांचवु भाग छे।