Bhilali Bible
भजन सहीता 121
यहोवा भगवान हामरु राखवाळ्यु छे
मंदीरेन तीरथ करनेन टेमे गावे चो गीत
मे बयड़ा भीणी भाळो ते खरु;
बाकुन मारी मदत कुण करसे?
यहोवा भगवानुत मारी मदत करसे,
जु सरग ने धरती काजे उबजाड़्यु।
तारु राखवाळ्यु यहोवा भगवान कदी नी झपकी लेय,
चु तुसेक खीसलीन पड़ने नी देय।
ईस्रायली माणसेन राखवाळ्यु,
झपकी बी नी, ने चु सुवे बी नी।
यहोवा भगवान तारु राखवाळ्यु छे;
चु तारे जेवड़्ये आंग्ये तारी आड़ बणीन रवे।
दीसु दाहड़ु तारो नुकसाण नी करे,
ने नी राते चांद तारो काय नुकसाण करे।
यहोवा भगवान आखी गरा सी तारी राखवाळी करसे;
चु तारा जीवेन राखवाळी करसे।
यहोवा भगवान तारी आवणे जाणे मां राखवाळी करसे,
हंय सी लीन जलम तक तारी राखवाळी करसे।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.