Bhilali Bible
भजन सहीता 120
मदत वाटे दुवा
मंदीरेन तीरथ करनेन टेमे गावे चो गीत
गरान टेमे मे यहोवा भगवान धड़े दुवा कर्यु,
ने चु मारी सामळी लेदु।
ए यहोवा भगवान, झुट मेकण्या माणसे सी,
ने ढंगड़ा करन्या माणसे सी मेसेक बचाड़ ले।
ए लुच्चा माणसे भगवान तुंद्रो कार करसे?
चु तुहुंंक कसु डंड आपसे?
तुहुंंक ते भगवान लड़ाक्यान तीखला बीलखा सी,
ने खराय्न ईंगाळा सी डंड आपसे।
तुंद्रे ईचमां रवणु अतरोत भुंडो छे,
जतरो मेसेक मुलुकेन नीते केदार मुलुकेन माणसेन ईचमां रवणु।
बेसका दाहड़ा सी हीनु माणसे भेळे रवणु पड़्यो,
चे मेळीन रवणे सी रीस करे।
मे ते मेळीन रवणेन वात करने हींडो;
बाकुन मेसेक कवतात चे लड़ाय करने तीयार हंय जाय।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.