Bhilali Bible
भजन सहीता 122
यरुसलेम सहरेन बड़ाय
मंदीरेन तीरथ करनेन टेमे गावे चो दावुदेन गीत
जत्यार माणसे मेसेक कह्या, “चालु,
आपणु यहोवा भगवानेन घर मां जाजे।” तत्यार मे खुस हंय ज्यु।
ए चुखला यरुसलेम सहर,
हंय ते हामु तारा बारना मां हुबा हंय रया।
यरुसलेम ते वारु जमाड़ीन बणावलो सहर छे,
तेरा घर एक दीसरा सी जुड़ायला रवे।
चां यहोवा भगवानेन कुळी-कुळीन माणसे,
यहोवा भगवानेन नावेन,
बेसका वारु कवणे जाय;
जो ईस्रायल वाटे गवा छे।
नीयावेन राजगादी बी येरुसलेम मांत छे, जां राजा लग बसीन नीयाव करे।
ने दावुद्या राजान अवल्यातेन राजगादी जांत छे।
यरुसलेम सहरेन सुक-सांती वाटे दुवा करु की,
“यरुसलेम सहरेक परम करन्या, सुक सी रवणु चाहजे।
तेरा अवारकुटेन आड़ मां रवण्या, सुक सांती मां रवणु चाहजे,
तारा बंगला मां रवण्या सुक सी रवणु चाहजे।
मारा भाय्स ने दुसतीदार्या जां रवे, हेरेसी मे असु कवो,
यरुसलेम मां सुक सांती रवणु चाहजे।”
आपणा यहोवा भगवानेन मंदीर जाहात छे,
हेरेसी मे यरुसलेम सहरेन भलाय करनेन काळजी करीस।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.